Atulio Covid-19 avoi thumnak a chuakmi (third wave) cu Thai ram zong fak tuk in a den ve, atu hi Thai acozah nih American ser Pfizer Covid-19 raikhamsi million 20 cawk dingin nihin July ni 6 ah fehternak an ngeih cang. Hi Pfizer raikhamsi hi Thairam ah aralaimi October thla chungah a phan lai tiah an ruahdamh.
Thailand ramchung atulio covid-19 zawtnak an dirhmun cu zawtnak ngeimi ting 3 (300,000) hrawng le a thimi 2300 lengkai an um, ASEAN ram chung ah zawtnak tambik ram nga lak ah an i tel. Indonesia le Philipines ram hi million renglo zawtnak ngeimi an um i, a pathumnak ah Malaysia ram nih a vun chan hna i zawtnak ngei 790,000 lengkai an ti ve.
Myanmar ram cu atu tiang a dirhmun theihning vial ah cun covid-19 in a zaw cangmi 160,000 lengkai an um i, a thimi 3461 an si cang. Vawleicung pumpi huap covid-19 zawtnak a kaimi mizaw 185 million deng an pha cang i, a thimi 4 million lengkai an um cang. Ref. DVB
