Singapore ngandamnak vuanci nih July ni 7 ahkhan Sinovac Tuluk ser covid-19 vaccine raikhamsi aa chun cangmi hna kha Singapore rammi covid vaccine aa chunmi hna cazin ah khumh an si lai lo tiah Press Conference ah a chimmi cu Straits Times nih a langhter.
Tuluk ram serchuahmi Sinovac covid raikhamsi hi ahlei in tulio a thar chuakmi covid pulrai thar delta variant lak in mi a venhim khawh ko timi a zafang in data zeihmanh hmuh awk an chuahmi a um lo caah khan a si bik.
Singapore ngandamnak zung vuancia Ong Ye Kung nih Cawnnithumni press conference ah Tuluk ser Sinovac covid raikhamsi hi zeitluk in dah aa chunmi hna caah thathnemnak a ngeih timi kongah sii-thiamsang pawl nih siseh, cun scientists ningkal phung lei in tehte hmuh awk a zatawk data zeihmanh fianternak hmuh awk a um lo tiah a langhter.
