June 4 lio ah khan khuaruahhar ngai nutung pakhat arak tlau. A fapa nihcun ka nu a tlau tiah palik sin ah a va chim. Mah thil cangmi hi Thailand ram Latchiburi district Kyauhbunh myone Danthat-taku an timi khuate ah khuasa mi kum 66 Mrs.Nansukanya Janitprasart tiah an auh mi nu asi.
Mah hi nu cu June 4 ah khan khuaruahhar ngai in arak tlau ruang ah afapa Mr.Danai Hanitprasurt nih palik sin ah ava chim. Palik nihcun lughrinh deuh an ngeih ruang ah an inn in feet 150 hrawng aihlatnak tikhur thing/ hlun cu vawlei cawhnak seh hmang an cawh i mah cuka ahcun a nu ruak cu an hmuh.
Palik nihcun an inn chung hrawng cu hlathlai nak an vun tuah cu, a ihkhun cu athar in arak i thleng mi le thisen tlawmpal, kedenh pakhat cu an hmuh. A Vapa Mr.Sanan Janiprasurt kum 82 tar pa cu palik nih an zumh lo caah bia an hal June 4 ah khan Bank ah phaisa thoh pah in bazaar ah ka kal pah la tiah a tii, mah ni thawk in cun arak ttin tthan ti lo tiah a chim.
Palik nih tikhur chung ah an hmuhmi ruak DNA test nak an tuah mi le Mrs. Nansukany DNA cu arak i khat. Mah caah palik a vapa cu an zumh lo caah bia tak deuh tein an kherhlai tik ahcun a vapa nihcun kan pahnih karlak ah i hmun thiam lo nak a um mah ruang ahcun ka vun nam ah khin a tlu sual i ihkhun ah a luu aa khawng i a nunnak a liam.
A ruak cu ka lak i kan inn kam tikhur thing ahcun ka hlonh tiah a chim. A thi dor tla mi pawl cu ka hnawh dih i mah tic un zei hman thei lo bantuk in kai umter tiah palik sin ahcun a chim. Mr.Danai Hanitprasurt le a nu Mrs.Sukanya cu hmun kjhat an um a tam ngai mi an si. Inn hmun vaawlei an zuar mi man phaisa i tthenh nak kong ah i hmuh thiam lo nak a chuak i arak thah mi a si.
