Pa pakhat cu a fanu lum tein a ih I a mitkuh a thawhnak hnga aa zuam ngai ko nain a mah tu cu akih tuk caah a nunnak a liam tiin theih a si. Pa le fa karlak dawtnak a fah ning cu hi thawngpang thilcang nih a van langhter. Nu lawnglawng nih a hleikhunin fa le zawnruah a si ruah tiah kan rak ruah tawn lengmangmi hi kan rak palh ngaingai.
A thimi pa hi kum (38) a si. A taksa a kik dih cikcek I tthom nawn in a ummi a pa a ruak cu a fanu kum (8) a simi nih December thla ni (7) ni ah khan a hmuh. Cu zan a rak kih ning cu -9degree tiang a rak phan.
Cu hna inn ah puan vurh an ngeihmi hi a zapi te ah zunthum lawng a si. An inn hi an sak liomi a si I an dih rihlo caah thlalangawng, innka tibantuk zong an ser rih loh. Zan ah kik ko hmanh sehlaw ka intuar khawh ko lai ti ruahnak le afanu zawnruahnak he a fanu lawng cu an ngeihchun puan cu vurh dihin a umnak a si. Amah tu cu pher cung ah angki bansau le bawngbi tawi hen a it. Hi thil a cannak hi Thailand ram ah a si. Asianone news nih a phuanmi a si.
