June 16.2020 niah China le India ramri ah kap hnih karlak ah buainak a chuak i India raalkap minung pathum an thi i, minung hleisarih nih hliamhma an bu tiah theih a si. Hliamhma pu mi hna cu June 17 thawng theih ning ahcun an nunnak a liam tthan tiah tiah theih an si. Mah minung pahleisarih hna he cun India raalkpa mi 20 an nunnak a liam cang.
Mah bantuk thawngpang an theih hnu tlawmpal ah India nih fighter Jets 33 a ran khawh chung rang in cawk an timh hi a si. Indiaa Air Force hna nih arang khawh chung rang in raaltuknak vanlawng 33, MIG-29 fighter Jets thar 21 le Sukhoi-30 fighter Jets thar 12 a rang khawh chung rang i caw ding in Government of India sinah halnak an tuah cawlh tiah theih a si.
Mah hriamnam cawknak ding ah hin india Phaisa Rs, 5,000 crore a dih lai taih theih a si. China he an buainak a zual lei a panh chin lengmang ruang ah an hal mi cu Government nih ancohlan piak zumh a si. June 15 India raalkap le China buainak chuakmi ah China raalkap mi 34 an thi tiah India nih a than ko nain China a si lo tiah an chim ve.
Chin raalkap lei kap zawng in athi mi an um len ko nain China nih zeihmanh biafiang a langhter duhlo tiah theih a si. China lei biachimnak nawl ngeitu pakhat nih a chimnak ahcun Sunday niah khan India raalkap hna cu China ram chung ah vawi 2 kheng te an rak lut i buainak anrak chuahter tiah a chim.
India raalkap nih buainak an chuahpi hmaisat ruang ah ramri ah kahdohnak a chuak tiah China nihcun an chim. India le China ramri ah hin buainak a chuah lo nak hi kum 40 renglo a si cang tiah theih a si. Mah caan chung vialte ah hin khat le khat karlak ah kahdohnak vawikhat hmanh a chuak bal lo tiah theih a si fawn.
Kahdohnak silo in khat le khat lung in i cheh le fung in i tukdennak cu arak chuak bal i mah nak in cun nunnak a liam mi zawng anrak um bal tiah an chim. Tutan China le India ramri buainak cu kum sawmli chung ah afak bikmi buainak a si tiah India lei nihcun an chim. India lei zawng an raalkap minung 20 bak an nunnak a liam caah an thinhung tuk ve cang i biatak tein kahdohnak an ni tim cang.
India mipi thinhang nihcun China President Xi Jingping hmanthlak mei in heh tiah an khangh nak tiang in an langhter tluahmah cang. India le China karlak buainak cu fawi tein daih khawh an si ti lo, nikhat hnu nikhat in a linsa chin lengmang. Mah nak fah deuh in kahdohnak ttihnung tiang achuak kho pengmi asi cang taih theih a si.
Mah buainak ruang ah The Economic Times le Defence news nih an langhter ning ahcun India navy hna cu Malacca Strait leiah kal cawlh kho ding in timhlamhnak ngeihter an si. Chief of Defence Staff Gegeral Bipin Rawat nihcun Air Force assets, fighter hna ralring te i um ding in a forhfial hna.
