Facebook CEO Mark Zuckerberg nih facebook messenger cu caan rau lo teah kan hrawh cang lai tiah a chim. Facebook messenger hrawh an timh cem nak a ruang cu Covid-19 zawtnak chuah hnu in kan fanu, fapa hna nih ningcang lo tuk in Messenger an hman ruangah a si.
Nungaktlang tampi nih Messenger cu caanttha ah i lak in Video chatting biatak tein an hung hman, cu hlei ah nungak, tlangval ai duhmi hna nih ningcang lo i an umnak tiang Screen Shot an lak i facebook cungah an rak post.
Minung tampi lungrethei i akan tuahtu Covid-19 zawtnak hmanh ruat kho ti lo in kan fanu, fapa ai duhmi hna nih ning cang lo tuk in Messenger an hman ruangah minung tampi caah harsatnak an chuahter tiah facebook CEO Mark Zuckerberg nih a chim.
Mah ruang ahcun World Single Association nih nawlnak an tuah bantuk in caan rauh hlan ah Messenger kan hrawh cang lai tiah an ti nak cu a si. Mah komglam cu tuni Nov 10 zanlei suimilam 5:00pm ah khan Live thlahnak in a rak langhter.
Hnu deuh ahcun nungak tlangval ai duhmi hna cu Facebook in ban tuah ding zong in timhtuahnak an ngei tiah theih a si. Facebook CEO nih a chim bantuk i Messenger an hrawh taktak ko ahcun Lai mi tampi cu kan kut a bul bantuk khi a si ko lai. Zumtu hna nih biatak tein thlazacam kan herh ko hih.
