De Ridder Nih Aung La A Tei Ning Cu Chizawh Nih Fawizang Taktak In Zu A Seh Bantuk Khi A Si

Tuzan October 30 ah “ONE Championship: Inside The Matrix” Singapore ah Aung La N Sang le De Ridder an ni tthuatnak zoh cu a nuam kho taktak. voi 12 aa thong nak ah a sung bal lo mi Ridder cu Aung La N Sang nih fawi taktak in a tei diam ai.

De Ridder nih an rak i thong hlan ah a rak chim mi cu, “Aung La N Sang cu keimah kut bakin ka donghter lai, Aung La Sang taisawm cu fawi tukin ka kut cung a phan lai tiah a chim. A chim tthan rih mi cu, Aung La Sang thawnnak cu tutan ah a dong canglai tiah ralttha taktak in a rak chim.

Hmanh sehlaw midang an rak tthuatpi mi bantuk ah ai ruah sual ko rua Aung La N Sang nih mualpho cikcek bak in vawi khat hmanh a sung bal lo mi pa cu mipi hmai ah zohchia taktak in a tei. De Ridder te pawl hi cu Aung La N Sang caahcun chim awk an rak si lo.

Tutan an ni thong nak hmun cu SINGAPORE INDOOR STUDIUM ah a si i, Anmah lawng hmanh si loin, Aung La N Sang naupa Martin Ngunyen zong aa thua ve. Champion Tial Cung Thang nih a rak chim mi cu Ku Aung La nih a tei lai tiah a rak chim mi cu a rak hman taktak.

Aung La N Sang nih a rak chim mi cu, Ridder thiamnak bik asimi BJJ practice ka tuahnak a hlan tuk cang mi ruangah Ridder ( 12-0) in teinak a hmutu hi ka kut in atla colh lai tiah a rakti mi cu a tak bak in a vun tlamtlin ter. Aung La N Sang nih mi phundang, saram phundang ka si ti chim than le theihternak tuah than ka duh arak ti bantuk tein a hmuh ter taktak.

Total Page Visits: 283 - Today Page Visits: 1

Leave a Reply

Your email address will not be published. Required fields are marked *