US cozah nih covid-19 pandemic ruang ah harnak a tongmi rammi caah tangka fangin a voihnihnak an tuiahmi kong chimfiannak cu USA hrambunh Chin Northern Star nih chimh fiannak an rak tuahmi thawngpang hi a tling in a fiang.
Na theih rihlo sual ah van zoh ve. https://www.facebook.com/sang.bawi.10/videos/3896487913695169 Relchap dingmi ah theihtlei A Chim Bantuk In A Tuahmi President Donald Trump
US President a cuhmi paoh nih election lai ahcun cucu ka tuah lai, khakha ka tua lai tiah election campaign lio ah mipi lunglaaknak le lemsoinak ah an chim cio. Asinain a chimning bantuk in a tuah taktak mi nak in a tuah lomi an tam deuh lai tiah ka zumh. President cheukhat cu Election campaign an tuah lio ah mirum tampi sin in phaisa bawmhnak an laak, Media pawl duhning zawng in bia an chim, teinak an hmuh taktak tik ah phaisa a bawmtu hna, media lei in a bawmtu hna duhning loin rian an tuan ngam ti lo. Cucaah thil dik an tttanh ngam lo, media duhning le a bawmtu hna duhning lawng in rian an tuan.
President Donald Trump cu mirum a si caah aho bawmhnak phaisa hau loin election campaign tuahnak phaisa a ngeimi a si. President thla hlawh zong a laak lo caah tihding le mithmai zoh ding a ngei lo. A dik a timi cungah fek tein a dir. Aho mihmai hmanh zoh a tim lo. US ram pumpi thatnak lawng a tuakmi a si. Media mithmai le phaisa in a bawmtu mithmai zong a zoh lo. US rampi huap caah a tha a timi cu soisel a ton zongah a pah chih. Mirang,Minak Asia tiah aho mithmai a zoh lo. US ram pumpi caah atha a timi cu raltha tein a tuah. US ram caah a thatnak a si ahcun ramdang mithmai zong zoh a tim lo. Ramdang president ka si lo, US mipi nih thimmi ka si caah US mipi le US ram ca thatnak caah ka tuan lai ” tiah a chim tawn. A chim bantuk tein vawleicung khoika ram hmanh a tih hna lo. US ram thatnak caah cun ramdang mithmai zoh a tim bal lo.
