Tuzan October 30 ah “ONE Championship: Inside The Matrix” Singapore ah Aung La N Sang le De Ridder an ni tthuatnak zoh cu ka ngaihchiat tuk ah ka mitthli a tla ruangmang ko.
Voi 12 aa thong nak ah a sung bal lo mi Ridder nih a voi 13 nak ah Aung La N Sang fawi taktak in a tei diam ai. Tuzan Aung La a sunghnak a ruang cu a tanglei ah pathum tein ka vun langhter lai.
1. Ka tei ko lai tiah full tuk in aa ruah cia ruang ah.
2. Puai thok sin in aa ralrin colh lo ruang ah
3. A nau pa Martin a sungh ruang i thinhang pah in a luh ruang ah
4. Hohmanh nih akan tei kho lai lo ti phun in a um ruang ah
Tuzan Aung La cung thil tlung mi cu hmailei a lungfimnak le thazaang lak nak si hram ko seh. Zei bantuk thil kan tuahnak poah ah hin thinhnang pu i kan tuah mi ah khin hlawhtlinnak a um taktak kho lo ti mi a langhter ngai tiah ka ruah.
De Ridder nih an rak i thong hlan ah a rak chim mi cu, “Aung La N Sang cu keimah kut bakin ka donghter lai tiah arak chim mi cu a tak in a hung cang ai. A chim tthan rih mi cu, Aung La Sang thawnnak cu tutan ah a dong canglai tiah ralttha taktak in a rak chim mi cu a tak in a tlinter khawh.
Tuzan Aung La N Sang sungh ning cu i lungsak khawh ding hrim khi a si lo. Ka lungfah zei khua hmah ka ruat kho ti lo. Aung La Bawipa nih inumpi sehlaw hmailei ah teinak in pe tthan ko seh.
Tutan an ni thong nak hmun cu SINGAPORE INDOOR STUDIUM ah a si i, Aung La N Sang le Martin Ngunyen caah cun tuzan cu mitthli tlak nak zan ah ai cang. Champion Tial Cung Thang nih a rak chim mi cu atlamtling kho ti lo e.
Aung La N Sang nih a rak chim mi cu, Ridder thiamnak bik asimi BJJ practice ka tuahnak a hlan tuk cang mi ruangah Ridder ( 12-0) in teinak a hmutu hi ka kut in atla colh lai tiah a rakti mi cu a tloh diam ai. Aung La N Sang nih mi phundang, saram phundang ka si ti chim than le theihternak tuah than ka duh arak ti mi cu a mah mittli tlaknak ah ai cang.
