Aung La N Sang te pawl caah cun De Ridder cu tei awk a rak ttha ruam lo. Vawleicung mipi hmuh ah ai hrocer nak vialte cu cikhat lo ah favai thli nih a choih bang an choi dih ai. Kaa lawng i chim mi hi cu a taktak a vun phak tik ah atlam a rak tling kho rua lo.
De Ridder nih an rak i thong hlan ah a rak chim mi cu, “Aung La N Sang cu keimah kut bakin ka donghter lai, Aung La Sang taisawm cu fawi tukin ka kut cung a phan lai tiah a chim mi cu a chim bantuk tein munite pathum chung ah a tlinter.
Voi 12 an thong nak ah a sung bal lo mi De Ridder nih Aung La N Sang a tei ning cu mualpho taktak a si. Aung La N Sang caah cun De Ridder te pawl tei awk an rak ttha ruam lo. De Ridder he ai khungkhang ding cu Khabib lawng a tang cang.
Aung La N Sang nih a rak chim ve mi cu, Ridder thiamnak bik asimi BJJ practice cu ka tuahnak a hlan tuk cang mi ruangah Ridder ( 12-0) in teinak a hmutu hi ka kut in atla colh lai tiah a rakti mi cu a tlamtlin ter kho lo. Aung La N Sang tuzan Aung La N Sang cung thil cang mi zeitik hmanh philh khawh ding a si lo.
Tuzan cu vawidang Aung La he anni lo bak lo, a ruang cu vawidang ahcun mithmaipanh taktak in kunchung ah a lut tawnnain tutan cu mitthmai panh lo tuk a rak lut. A ruang cu a nau pa Martin nock-out in a sung caah a si.
