Rev. Dr. Chan Thawng Lian ( Liandodal) cu thawngtha a chimpah zong ah nihchuak capo pakhat hnih tete hi cu a van telh pah tawn lengmang. Liandodal nih hin capo a chimlo hmanh ah a mah a mui hmuhnak le bia kaakhat a chimnak hmanh in nih a rak chuak cia cang.
Tutan ah nihchuak capo a van chimmi te zong hi cuhlan ah theih bal lomi a si I nih a chuak ngaingai. Nih cu vitamin nak hmanh in minung kan caa a tha deuh i, vitamin thacem phunkhat a si. https://www.facebook.com/chinfunnyvibes/videos/747930956069785
Relchap>> Joe Bidden Le Harris Cu Jan 20th In An Rian Awt Dingin Congress Nih An Fehter Cang By-Zasang Cinzah (Canada)
Trump nih a tei tthan ko lai tiah lung awttawm in a ummi vialte caah ruahchanhnak a dih. Trump cu Pathian nih a umpi i teinak a hmu hrim lai tiah langhnak/prophecy a phuangtu vialte an palh a fiang. Trump nih a tei hrim lai tiah mang mangh thiam an mang a dik lo.
Laimi hawile hna, US election nih zeidah a kan cawnpiak? Bible ah Nal prophet tampi an chuak lai a ti. Atu kan chan ah Biaphuan le langhnak a hmutu tampi hi nal an si kho. Cucaah, Thoro bantuk in nunnem le rul bantuk in fim a herh lio caan ah kan um.
Thawngpang/news hi kan theih duhmi lawng kan Kawl i kan rel ahcun, a dikmi hmuh/theih hi har cang. Theih kan duhmi News kawl le rel nakin, a dikmi “news /facts” Kawl le rel a ttha deuh. Laimi tampi cu, a dikmi thawng kawl le rel nakin, theih duhmi Thawng/news te lawng rel le zumh kan itimh deuhmi ka lawhter ngai.
A bik in Prophecy a zumtuk mi Live thlah le biachim le, Phaisa duh ah fake news a vahpitu hna nih Laimi careltu thinlung le zumhnak nan pialter ngai in ka hmuh. Social media chan kan phan tikah, midang caah “misleading” pialtertu kan si lonak ding hi pakhat cio nih ttuanvo kan ngei.
Minung khuakhan le Pathian khuakhan aa khat lo caah, Pathian nih a thim tiah kan ruahmi Trump a sungh hi Pathian khuakhan a si kho ko. Tuzan ah Congress nih an fehter cangmi US Next President hi Pathian khuakhan a si kho ve ko. Cucaah, kan tanhmi pakhat ah ihruhpi nakin Pathian duhnak theih izuam hi a ttha deuh.
Trump cu President a sinak 13 lawng a tang cang. US phunghrampi ah President a ttuan liomi ngolter khawhnak “25 Amendment” a um I, cu hmang cun, a caan ni 13 a tangmi hmanh hi pehter ti lo ding in, a vice President Mike Pence tu hi ttuanter ding in, an ceih ngai tiah bia a chuak. Nain an ihrocerhnak sawhsawh a si kho. Thaizing lei ah zeidah a lawhte hnga.
