Nuhmei (Single Mom) a si ko nain harsa takin afapa cu sianginn a kaiter I a mah cu Ngasa a zuarmi nu nih a fapa caah zeitluk in dah aa zuam timi ka van langhter lai.
Chungkhar an dirhnak ah Va van a ngei lo I fapa pakhat tea a ngeihmi nu nih cun a fapa te cu Doctor cawng dingin sianginn kaiter timi hi a fawimi rian a si lo. Sihmanhsehlaw, a fapa nih nun nuam tein a um khawhnak hnga nitin aa zuam pengmi cu a nu a si. Hi nu a min cu Nanita a si.
Nanita cu apasal he an I then hnu ah va dang a ngei ti lo. A fapa te he lawng khua an sa. Nanita nih a fapa a cawmkennak ah cun Market ah ngasa zuar a cawm ken. A nga zuarmi lawng in doctor cawnter timi hi a fawimi rian a si lo caah hawidang nih kum 4 ah an dihmi cu Nanita fapa nih cun Doctor Degree cu kum 6 ah a lim. A karlak ah phaisa harsatnak ruang ah sianginn aa dinh kum a um can a um ruang ah a si.
A fapa Doctor rian a van tuan hnu ah cun Nanita tu cu Lung zawtnak a geimi a si caah rian tuan ti loin a fapa tu nih a zoh khenh ve cang.
