Kachin ram Phakanh cu kawlram chung ah a minthang cem nak hmun hma ti u sihlaw kan palh men lai lo. A ruang cu minung tampi nih suikhur an cawhnak hmun le hma a si leng ah minung tam tuk suikhur cawhnak in an nunnak a liam nak hmun le ram a si caah a si.
Kan theih dih cio bang in Kachin ram Phakanh suikhur cawhnak hmun ah khin kum khat a tlawm bik minung 20 reng lo an nunnak a liam nak hmun a si. Kan hnung kum leng bang kha cu minung 200 bak an nunnak a rak liam nak hmun a si.
Khi tluk khin minung an nunnak a liam ko nain chungkhar sifah tuk ruangah ttih zong chim kho lo in fanu fapa dawt tampi an kal i suikhur an co thiam. Cheukhat minung cu hlawhtling taktak in a tlung mi an um ko nain a tam deuh cu rawhral nak le thihlo nak hmun ah ai cang ve.
Nai teah Kachin ram suikhur an cawhnak ah hmun ah khin vawlei an cawh cuahmah bak ah khin meikalh a rak chuak thluah. Pa pahnih nih lungman sung kawl in heh tiah vawlei an cawh cuahmah nak hmun bak in meialh a rak chuak mi cu hmuh a si. A tang video hi rak zoh ve hmanh khuaruahhar ngai a si.
Relchap-Dragon Tial Thang Zathang Nih Laipaih Tthawng Pawl A Rak Singkhaw Ve Tthan Hih! Tial Thang Zathang nih Laipaih a ka zuamcawhtu an um ahcun timhcia ka si tiah a chim. 2021 August 21 ah USA ram i tuah ding mi Vaurawng CDF Laipaih ah One Championship MMA Vuak zuamnak ah aa tel mi Tial Thang Zathang nih, “A ka zuamcawh tuding an um a si cun cohlan ding in ready ka si ko,” tiah a chim.
Tial Thang Zathang nih, “Ram le miphun khuatlang ca ah an ti tik ah kaa pai ve lai ka ti ko hih. Hi paih bual ah zuamcawhtu ka ngeih a si cun a ka zuamcawhtu he kaa pai ko lai. Zuamcawhtu ka ngeih lo zong ah Palaivuang paih (Middle Weight, Papi paih (Heavy Weight) le Pate paih (Light Weight) ah kaa pai thiamthiam ko lai. Zatlang paih zong ah kaa pai thiamthiam ko lai,” tiah The Hakha Post ah a chim. Tial Thang Zathang hi vawleipi theih in One Championship MMA Vuak Zuamnak ah voi thum tiang teinak a hmu cang mi a si. August thla chung ah voi khat aa phomh than lai tiah theih a si. Cun, “A ka zuamcawhtu an um a si cun Dollar tam deuh a hau lai. Kei cu kaa ready ko,” tiah a chimchap. Crd: TheHakhaPost
