Japan ram um Myanmar rammi hna caah thawngpang tha si

Japan ram ah a ummi Myanmar ram minung 300 tluk cu Japan ram nih umnak nawl VISA a caan sauhpiak an si tiah Cawnnihnihni ahkhan Minister of Justice of Japan vuanci Yoko Kamikawa nih a chim tiah nizan chuak Kyodo News ah an langhter.

Atu bantukin umnak caan sauhpiakmi chungah aluancia caan Japan ram ah tuahmi lentecelhnak puai ah aa rak i zuammi Myanmar ram lentecelh thiam chungin Myanmar ram kiar a duh lomi kawlbawhthiam Pyae Lyan Aung zong aa tel. Myanmar rammi Japan nih atu bantuk i Visa umnak caan a sauhpiakmi hna hi Ralkap nih uknak an lak hnu ramkhel buaibainak lak i ramchung thil cangmi ruangah khan a si.

Japan um Myanmar mi hna nih Ralkap Uknak an duhlonak an langhter lio…

Atu dirhmun ahhin Japan ram ah ralzam in umnak a sokmi hi Myanmar ram minung 50 hrawng an si cang i, ralzam an sokmi hi ralzam ah cohlan an si lai maw si telai lo ti belte cu biachahnak tuah a si rih lo tiah Minister of Justice of Japan vuanci Yoko Kamikawa nihcun a chim. Ref. RFA

Total Page Visits: 408 - Today Page Visits: 1

Leave a Reply

Your email address will not be published. Required fields are marked *