Thang Ding nih bia roling pakhat a chim mi chungah pakhat ka lung a fimter mi cu, Minung hi kan biapi bik, minung nih biaknak kha kan duh mi Khrihfa, Budist, Musilim a zeipoh kan i thimkhawh, kei mah Solomon nih ka duh mi kaa thim khawh.
Minung tham cu kan thih cun kan biaknak kha a dih. ( a chimduh mi cu kan nun chungah a biapi mi thim kha a si) cu caah kan nih Chin Miphun cu khrifa biaknak kan i thim, Pathian ai bochan mi miphun kan si, Kawl raalhrang nih kan miphun kha an kan thah an kan tei ah cun kan biaknak le nunphung cu a thi ve lai.
Cu caah kan mah nih tei kan hau, a tu kan nunchung i kan ttih len hna kan kawmh len hna ah cun kan biaknak le nunphung cungah kan feklo ti kha a chim duhnak si tiah ka ruah.Khrihfa kan si bantuk in Bible tuanbia kan zoh ah bible chung profet hna le hruai tu hna chungah ram le miphung uknak kongah thih ngamh in hmaisuang tu kan hmuh len hna.
Bible chung profet tampi lakah Jeremaiah kong kan zoh tikah Israel miphun caah ramkhel le biaknak in hmai a rak suang pi hna. a cungah thiang thlarau rian ttuannak thawng in BC 586 hrawngah zatlak puicimh a luatpi hna. Babilon miphun le Judah miphun hna Jeruslem in arak tthawl hna.
Jerimaiah tuanbia an ttial ningah Jeruslem in khan 10 hrawng hlatnak khua Anathoth ah a tthang lian mi a si. a mah chan lioah an miphun lak ah buainak tamtuk a rak um, Neae East, Assyrian empire tehna nih kum zabu an rak khuhchilh hna.
Babilon (Nebuchadrezzar) nih an Capital Nineveh khua cu BC 612hna an rak lakpiak hna. Jeremiah cu BC 627/626 hrawng in profet si ai rak i thawk. tial ah cun a tampi. American tuanbia kan zoh tik zongah biaknak lei hruai tu upa hna hi thih ngamh in a rak cawl mi an si.
Note : Pastor poh le Evangelist poh ka ti hna lo Ka chim duhnak cu Chin miphun zong Chin mi le Pathian ai ti mi kan si, ka chim tawn ka ruah tawn mi cu Chin mi Evangelist le Pastor hi vawlei cung hmah ah thawngtha chim thiam pawl an si lai ka ti tawn.
Zumtu nan turrun le kha nan kan sik lam nan kan hmuhsak kan i lawm, a tu kan Burma ram buai nak hibantuk mi raalhrang he remnak le i toidor phun in nan kan kal pi citcet ah cun kan lo lai hih.
Chin ram Chin miphun tuanbia kan mah nakin nan theih deuh a mah te a rak um mi kan si.mipi le Pastor?Evangelist cheukhat hna nih CNA/ CDF an lut nan theih ko. Chin mi pastor le kahraui tu a daw mi le a upat hmaizah mi kan si.
Biaknak hruai tu nih ngamh uh law mipi cu a puak bak in kan puak ko lai.Biaknak lei kan pa pakhat nih facebook ah atu cu “ral le rai” hrial i zuam kha siloin anmah he nun ti thiam tu kha cawn kan herh cang. tiah a tial ko!! ziah CNA/ CDF zeitin dah an hmai a khap hnga thei hlah.
