American ram San Francisco Bay ah a ummi Oakland Zoo saram zuatkhalhnak i ramsa pawl cakei, vom le saram dang pawl cu Covid raikhamsi (vaccine) chunh an thawk cang hna tiah Hindustan Times nih a tial. Hi saram hna caah covid raikhamsi hi saram raikhamsi chuahtu Zoetis company nih an chuah i an hlutmi hna kha a si.
Zoetis nih tutan saram caah covid raikhamsi dose (11000) cu saram zuatkhalhnak hmun 70 ah a then i an hlut hna tiah theih a si. San Diego Zoo saram zuatkhalhnak ah cun a luancia January thla khan Zawng pawl cu covid raikhamsi chunh an rak thawk cang hna ti a si.
Zawng le minung DNA hi zatuak 98% ai khatmi a si. Cu ruangah cun, Gorilla pawl cu covid zawtnak a vun reh hnuah atu bantukin raikhamsi an chunh hnanak a si. Ziah hme an kan hlut deuh hnga lo ti khawh a si lo, saram ca chuahmi le minung ca chuahmi raikhamsi (vaccine) an i lo lo. Ref. HT
