Argentina ram ah mipa naupang kum 9 a upa Tiziano chu a thi (necklace) awrh lai Cross vang in thi mai tur lak atang a nunna chu chhanhim in a awm phah a ni.
Tiziano hi New Year’s Eve khan Las Talitas a an chenna in pawn lamah a unaunu leh cousin te nen an infiam ho a,kailawn a an awm lai chuan khawilam atanga lo kal nge tih hriat loh silai mu chuan a awm bawr (chest) zawn ah tak a rawn fuh.
A awm zawn chu a na/thip zawk a hria a, lei ah chuan silai mu chu a tla ta a ni. Mahsela vanneihthlak takin a thi (necklace) awrh Cross chuan a taksa a chhun tlang tur silaimu chu a lo dang a,hliam tenau bak engmah harsatna dang a nei lo.
Damdawiin a an hruai chuan Doctor te pawh in a pawnlang lam ah bak engmah chhung lamah hliam liantham ang harsatna a neih loh thu an sawi a, Doctor ten minute 48 zen zawn an endik hnu ah damdawiin atang chhuahtir a ni.
A thi (necklace) awrh lai Cross chu silaimu in a rawn tawn fuhna ah a lai ah tak chuan chiang tak mai in a kua a, chu chuan a chhanhim a lo ni. Cross thi hi Tiziano hian a pa David, 36 hnen atang thil pek a dawn a ni.
Tiziano pawh in a thi awrh lai a hmuh hma kha chuan a nunna chhanhim tu a ni ang tih a ring pha bik lo bawk. A nu Alejandra chuan a fapa dinhmun derthawnga a nun chhanhim a nih chhan chu Pathian vang liau liau a ni a ti a,thil mak tak a nih thu a sawi ve hial reng.
Thil thlen dan kim chang hi Police ah an thlen tawh a, Police ten silai hmetpuak tu hi zawn hna an thawk zui nghal. Thil thlen hun hi December 31 2020 zan dar 10 bawr vel kha a ni.
