Myanmar ramri naih khua, Tuluk ram Shweli khua ah minung tampi covid an ngeih ngeihlo test-nak an tuah than tik hna ah Tuluk mi 4 le Myanmar mi 5 cu covid positive an si ti hmuh chuah a si. Covid zawtnak a kaimi Myanmar rammi panga chungah kum 11 hngakchianu pakhat zong aa tel tiah theih a si.
Shweli khua zarhkhat chungah covid zawtnak a kaimi minung 59 an um cang. Shweli khua hi July thla ni 8 thawk in khan acozah lei nih Lockdown an rak tuah cang i, khua chung luhchuah zong an phih cangnak hmun a si. Muse khua zongah June le July thla hnih chungah covid-19 positive mizaw 250 lengkai an hmuh hna i, minung 5 a thimi zong an um cang tiah Zarhpini ah an chuahmi Global New Light of Myanmar tadinca ah an langhtermi hmuh khawh a si.
Tutan covid zawtnak delta thar chuakmi zawtnak chawnh a fawi taktakmi le biatak tein an karh ve cangnak Myanmar ram zong ah suimilam 24 chungah Myanmar ram pumpi ah an hmuh thar zawtnak kai 3461 le a thimi 82 an um tiah SAC ralkap nih thawngthanhnak an tuah. Mizzima
