Uknak ri ralkap bawi army officer pawl thitumnak a tuah dingmi pawl nih CDM atuahtu asiloah ralkap lei nih pohmah 505 in tlaih ding le tazacuai dingah arrest warrant a chuahmi hna an si ah cun thitumnak nawl kan pe hna lo tiah thawng theih a si.
Ralkap chungah zung riantuanmi chungkhar a dirh rih lomi zung riantuan ralbawi army officer nih thitumnak tuah ding chimhal tikah, CDM tuahmi le tlaihnak ca chuah aa huahmi an si ahcun thitumnak nawl pek lo sawhsawh lawng a si lai nain azizutnak zeihmanh tuah a um lai lo tiah an thanh hna tiah theih a si.
Ralkap officer pakhat nih CDM a tuahmi asiloah tlaih dingin ca chuahmi nu/pa kha asining theih lo ruangah a thit a si ahcun, an thitmi nu nih mi a hlennak si tiah hnonnak nawl an ngei fawn lai tiah theih a si.
Cu pinah, hi a nupi thitmi cu ralkhat biaceihnak zung nih tazacuai an si chap rih fawn lai tiah theih zong a si rih.
I thitvat duh tikah a herhmi cu nu le pa hnatlakpinak ca, cun monu a sang upa khuabawi le palik hnatlaknak ca pinah, CDM a tuahtu (asiloah) tlaihnak ca chuahhnawh a tongmi si timi pawl kha tha tein an chuahpiak lai, hi bantuk ca tialpiak tikah sang upa khuabawi le palik nih i palh sual in thohkhanca hnatlaknak ca an chuahpiak hna si ahcun a chuahpiaktu rianngei pawl hna kha tazacuai le azizut an si lai tiah an thanh. Crd. ATS
