Ngwe Saung Beach Ah Nungak Tlangval Ruak An Char Hna

Ngwe Saung beach( Aidaw mi hna tikulh) tiah an auh mi ah minung pahnih thla ah an paam tiah theih December 21 ah khan Pathein palik hna sin in theih an si.

2020 December 19 ni zanlei sang ah khin Pathein myone Ngwe Saung baech ah minung pahnih ti ah an paam tiah khua mi nih an chim ruangah a rannak in Pathein palik pawl cu hlathlai nak tuah dingin an va kal i hlathlai nak an va tuah.

A thi mi minung pahnih hna cu Pathein myo ahmat(6) sang ah khuasa mi Ko Aung Htun Lin kum 25 le a hmat (5) sang ah um mi Ma Cin Sui kum 26 hna cu an si tiah palik nih an chim.

Mah hna minung pahnih cu Ngwe Saung ah rian herh i an kal lio caan a si caah nuamhnak hmang pah dingin Ngwe Saung tiva ahcun an kal i ti an vun i lio bak ah khin nungak nu kha a tla sual i tlangval pa nih ka chanh a ti nak ah an pahnih tein an nunnak a liam hi a si.

A thi mi nu Cin Sui ruak cu December 19 zan suimilam 6:50pm tluk hrawngah an hmuh i, Ko Aung Htun Lin ruak cu December 20 a thaizing suimilam 6:30pm hrawng ah khin dawtnak tidil an tihmi hramhbur lakah khin an hmuh.

Mah hna pahnih thihnak kawng he pehtlai in Ngwe Saung neme palik sakhan pawl nihcun tuanvo an lak cawlh i zeiruang ah dah an thih an mah tein a tla i a thi mi hna an si maw timi cu hlathlai nak an tuah.

Total Page Visits: 307 - Today Page Visits: 1

Leave a Reply

Your email address will not be published. Required fields are marked *