KNDF Nih Ralhraang Sakhan An Phomh Than Hna

Karenni (Kaya) ramkulh Dimawso peng chungah Min Aung Hlaing ralhraang pawl le mipi vengtu ralkap hna kar ah kah dohnak chuak in KNDF lei nih ralhraang pa 4 an thah hna tiah thawngpaang theih a si, ralhraang pawl thihnak thawngpaang theih hi tu lio kan ram dirhmun le kan sining ah cun thawngpaang ttha ngai a si ko.

Tuni September ni 16, kum 2021 zing suimilam 8:30AM hrwang ah khan Dimawso peng, 6 miles khua pawng ah hmunhma khuarmi ralhraang pawl cu KA le KNDF hna nih an va phomh hna, Htweilwei Bila timi khua pawng ah hmunhma khuarmi ralhraang pawl nih lamhlaatn bomb kahnak hmang in an hawi le cu an rak bawmh chih ve hna.

Ralhraang pawl le KA, KNDF kar ah kah dohnak a chuakmi ruangah siseh ralhraang lei in ruah padamh in bomb an kah thluahmah ruangah hi kah dohnak a chuahnak pawngkam hrawng ah cun mipi hna nih zing suimilam 6:00Am in zanlei suimilam 6:00PM tiang umkal rih lo ding in KNDF lei nih theihternak an tuah hna.

Nizan September ni 15, kum 2021 zongah khan Karenni ramkulh Dimawso peng, Htweilwei Bila timi khua pawng ah hmunhma khuarmi ralhraang pawl cu KA le KNDF hna nih an rak kah cang hna.

Total Page Visits: 559 - Today Page Visits: 1

Leave a Reply

Your email address will not be published. Required fields are marked *