KIO nih uk hmunram simi Mai Jayan khua ah Covid-19 positive mizaw pahnih an hmuh hna tiah theih a si. Kachin Independence Organisation (KIO/KIA) uk hmunram simi Mai Jayan khua chungah sianginn a rak kaimi Covid an chekmi hna chungin pa pakhat le nu pakhat sinin atu Covid-19 zawtnak hi an hmuh cu a si tiah KIO hmunram chung Covid-19 lei runvennak komiti Secretary Major Hein Wai nih a chim.
Aliamcia zarh ahkhan Mai Jayan khua a rak phanmi atu covid a ngei ti fehtermi pahnih hna hi, Mai Jayan khua an rak phanh sinin Wuarantine Center ah chiah an si i, cun Tuluk ah test-nak tuah dingin kuat an si tikah Covid an ngei ti hmuhchuah le fehter a si tiah a chim.
Atu hi Mai Jayan Covid mizaw zohkhenhnak sizung ah thlopbul an si, atu bantukin covid zawtnak hmuhchuah asimi pahnih he aa pehtlai deuhmi pawl hna kha Covid 19 chek an si ve nain annih tu cu Covid19 an kai lo tiah komiti sinin theih a si.
Mai Jayan khua hi Tuluk le Myanmar ramri KIO uk hmunram pakhat a si i, Kachin National College, College of Education, le Federal Law Academy timi cawnnak siseh, sianginn dangdang zong an umnak fimcawnnak khualipi pakhat a si. Ref. Mizzima
