Kawlram chung um mipi caah cun thinphang dailo a si cang, a ruang cu Siriraj Hospital Dean of the Faculty Dr. Prasit Watanapa nih cun tu lio kawlram ah a karh cuahmah mi Covid-19 le kan hnung kum China ram Wuhan khuapi in rak chuk mi virus kha ai khat lo tiah a chim.
Dr. Prasit Watanapa nihcun China ram Wuhan virus nak in tu lio kawlram Covid-19 pulrai hi alet 20 in ichonhbarh a fawi deuh tiah a chim. Mah bia hi kan nithumni ah khan a rak chim mi a si. Kawlram chung ah 60% hrawng zawtnak ngei mi hna cu G614 strain a si i, kan hnung kum China ram Wuhan in rak chuak mi Covid kha cu D14 a si tiah theih a si.
Zeidah aidan nak a si ti ahcun D le G ah khin aidan nak a si i, D nak in G kho a let 20 hrawng in a rang deuh mi tiah Dr. Prasit Watanapa nihcun a chim. A chim tthan mi cu G614 hi cu a rang tuk mi zawtnak a si caah a ran khawh chung rang in ven khawh kan i zuam a herh tiah a chim chap fawn.
Thiamsang hna nih anrak chim cia bangin khuasik caan ah hi zawtnak cu a karh tiah anrak chim mi cu a taktak bak in a tling thluahmah cang. Kawlram cu nikhat nikhat in zawtnak a karh chin thluahmah caah khuacimui taktak dirhmun phanh zong a fawi taktak mi a si.
UK le US ahcun biatak tein Covid vaccine chunh hram an thawk cang ko hmanh sehlaw kawlram ummi hna le India ram um mi hna caah cun hna ngam in um awk a ttha rih hrim lo. Kan dihlak viccine kan i chunh khawh hlan lo paoh cu kan umnak hmun cio ah ralring tein um khawh i zuam peng rih ko hna u sih.
