Karem ramkulh, Myawaddy khua ah covid 19 zawtnak ngeimi June ni 28 in July ni 6 tiang zarh khat chung khengte nifatin ti awk in a thimi an um. Covid zawtnak ruangah a thimi pawl hna hi kum 50 le a cunglei kum upa a tam bik an si. Myawaddy khua ah nikhat chungah Covid 19 zawtnak ngei minung 100 lengkai an um.
Myawaddy ah Covid 19 zawtnak ngeimi pawl hna hi No. 4 sang, Cauhlungkyi thlopbulnak le Mekane khuathar ah an chiah hna. Mizaw zohkhenhnak hmun ahhin covid zawtnak ngei pawl zawtnak voihnih chek ah kyats 20000 le nikhat eidin man ah 3500, nihra caah cun 55000 pek an hau.
Cu ruangah micheukhat rianngei lomi zawtnak ngeimi hna cu phaisa lei ah harsatnak an tong tiah Myawaddy khuami nih an chim. Atu bantukin Myawaddy ah covid 19 zawtnak a karh tuk ruangah Myanmar-Thailand ramri chawlehhrawlnak zong fak ngai in a hnursuan pinah, thil man zong atir nakin a kai tiah theih asi. Ref. DVB
