Babomyo kahcham cungah an tarmi Daw Aung San Suu Kyi hmanthlak cu July ni 7 zinglei ahkhan ralkap pakhat nih a lak lio cuahmah ah bomb an rak kamhmi nih a puah hnawh i a thi tiah Mizzima nih a tial. We Love Bago timi signboard capangtar a thar in an remhmi cungah an tarmi ASSK hmanthlak cu ralkap pakhat nih zing suimilam 8 hrawngah thlong ding in a rathnawh i a phoih cuahmah lioah bomb an rak kamhmi nih a puahhnawh cu a si.
“A puakmi hi bomb a si, kahcham cungah a puak. Aungsan Suukyi hmanthlak ah bomb kan kamhmi asi i, ralkap pakhat nih a rak phioh thlongh lioah a puah hi a si” tiah PDF-Bago lei i rianngeitu nih a chim.
Hi bantuk puak-kho thil kamhmi cu 7 July philhlonak caah tiah timhlamhmi a si kong People Defense Force (PDF-Bago) nih anmah Facebook cahmai ah an langhter.
