Tlangval Lalhunruata cu tuni june 21 ah khan Tuirial an tihmi tiva ah a tla i anunnak a liam tiah theih a si. Tlangval Lalhunruata hi a hawile minung 4 he tuni chun suimilam 12:00pm ah khan Tuirial tiva ah an um hna i mah hnu in cun khaw zei a um theih loh in a tlau tiah theih asi.
Tlungvel khua le a pawngkam khua cheukhat hna sin ah thawng an thanh colh i Tuirial tiva cu heh tiah an kawl i zan muih lai teah khan a ruak cu an hmuh. Tuzan suimilam 7:30pm ah khan tlangval Lalhunruata ruak cu Muallungthu ah ruak thlahnak an tuah hnu ah an umnak Tuithiang sang ah a ruak cu an kalpi than.
Tlangval Lalhunruata hi tu kum ah class XII pass thar mi a si i, a awn lomhnak caah tiin a hawile hna he Turial tiva ah kal in nuamhnak an tuah i cu nuamhnak an tuahnak ah a tla i a nunnak a liam hi a si. Tlangval Lalhunruata nih a kaltak mi chungkhar nan dihlak Bawipa nih hna ngamnak in pe ko hna seh.
Relchap- Zawtnak In Nutung Pakhat A Nunnak A Liam Tthan. Nai hrawng Mizoram Covid-19 zawtnak a karh ning cu thinphang taktak an si. Nichiar Covid-19 a zor lei panh cu chim lo a zual chin lengmang. Tuzan suimilam 8:40pm zongah minung pakhat Covid zawtnak in a nunnak a liam than hoi.
Tuzan june 21 suimilam 8:40pm ah khan YMA ZOHNUAI BRANCH i um mi Pi Mangaihi kum 46 cu Covid zawtnak in a nunnak a liam tiah theih asi. A ruak cu hruaitu cheukhat le an chungkhar nih zan an var pi hnuah thaizing june 22 cun suimilam 12:00pm ah vui a si te lai tiah theih asi.
