Kan vawlei khua caan cu kan Bible nih a rak chim bantuk tein nikhat hnu nikhat a chia chin lengmang. Vawleicung ah nikhat hnu nikhat in khuaruahhar awk thil a si a phunphun an chuak chin lengmang cang.
Kan hnung kum in vawleipi cu Covid-19 zawtnak nih hna hnawhnak akan pek i tu tiang lungrethei in akan tuah cuahmah peng ko rih. Cu tluk lungrethei i kan um lioah kan kawlram nih le ralhrang phu nih uknak an lak tthan ruangah kahdohnak thawngpang nih kan ram cu a khat dih fawn.
Nizan nai teah khan Mizoram Thenzawl khua kam Buaipui khua ah zei bantuk thilnung dah a si ti hmanh an theih lo mi cu an khuachung inn kip ah a rak khat dih. Buarpui khua mi nih an chim ning ahcun hi thilnung hna cu an rem a chia taktak tiah an chim.
Zan an ni hngilh i zinglei an vung thawh bak ah khin cun an ttuang vialte cu an rak khat dih i an inn chung vialte cu rimchia hemhuam pi khin a um dih tiah an chim. Putatsii he biatak tein an kah ko nain zeiti hmanh in rehter khawh ding phun khi an si lo tiah an chim.
