Pi B.Lallawmzuali cu may 19 ah covid-19 in a rak zaw i ZMC ah an rak lutpi hnu ah Covid zawtnak in a zawt ruangah a nau neih cutzat hlan ah a naute cu may 22 ah operation an rak tuah i a pawchung naute cu an rak chuak piak.
Operation an tuahnak ah thisen tam tuk a chuak i mah nak in cun a thaw tthatein a chuah khawh ti lo caah Oxygen le ventilator an pek i covid symptoms a rak ngeih caah anunnak nih a celh lo i a nunnak a rak liam.
Pi B.Lallawmzuali a vapa nih a nupi covid in a zaw ti a theih le cangka a rak tlung ko nain kala ram in a rak tlungmi asi caah quarantine ah an chiah i mak kar ah cun a nupi nih a thih tak.
Pi B.Lallawmzuali bulhnak le a thih tak mi a fate le a vapa caah bawm an dawh piak i nizan June 9 ah bulhnak an pekmi le a fate le a vapa caah bawm an dawh piak hruaitu te nih an rel i Rs, 13,20,560 bak a chuak.
Bawm an dawh piak mi khar nak (Close) an tuah hnu zong ah Rs, 9,050 a chuak tthan rih tiah theih a si. Hi bulhnak le bawm dawh nak a tawlrel tu hna cu Zo Inspiration phu an si.
