Nizan June 4 ah khan Pi B.Lallawmzuali cu covid-19 zawtnak in a nunnak a rak liam. May 19 ah positive a si tihmi an theih i ZMC ah an rak lutpi. Covid zawtnak ruangah a nau neih zat hlan ah siizung ah operation in a naute cu an lak piak.
Operation an tuahnak ah thisen tam tuk a chuak i mah nak in cun a thaw tthittha in a chuah khawh lo caah Oxygen le ventilator an pek. Si nain covid symptoms a rak ngeih caah anunnak nih a celh ti i lo a nunnak a liam.
Pi B.Lallawmzuali cu covid-19 pulrai in a thi mi a si ko nain a fate cu vantthat ah covid a rak kai lo tiah siibawi te nih an chim. Pi B.Lallawmzuali a vapa hi kala ram ah rianttuan in a kal mi a si i hi bantuk thawngpang a theih in a rak tlung. Si nain kala ram in a rak tlungmi asi caah quarantine ah an chiah.
Quarantine an chiah kar ah tu bantuk in a dawt tukmi a nupi nih covid-19 pulrai in a rak thih tak hi asi. Nizan June 4 chung lawng bak ah khan Mizoram chung ah Covid in minung panga an nunnak a liam. Nizan June 4 ah covid in a thi mi hna cu…
1. 12:30 Am – Pu Lalremsiama, Sairang.
2. 9:55 Am – Pu Anil Kumar, CRPF.
3. 7:10 Pm – Pi Lalchhanhimi, Saron Veng.
4. 9:30 Pm – Pi B. Lallawmzuali, Ramhlun South.
5. 10:20 Pm – Tv. Hmingthanzuala, Dawrpui.
Mah minung panga hna hi nizan June 4 ah covid in a thi mi hna cu an si. Mizoram kan unau hna caah cun lungrethei taktak khi a si cang. Zawtnak zor lei cu chim lo a karh deuhdeuh lengah a thi mi zong nikhat hnu nikhat in an karh chin lengmang.
