Hlasak thiam Benjamin Sum cu kan hnunglei ah Mizoram Aizawl khualipi ah Covid-19 positive a si caah lengchuak kho lo in erhkanh colh a rak si. Ni 14 chung lengchuak bak lo in an erhkanh hnu june 17 nizan ah khan damnak tlamtling a hmuh cang tiah theih a si.
Nizan june 17 ah khan hlasak thiam Benjamin Sum nih Covid-19 zawtnak in damnak a hmuhnak kong cu a facebook cahmai ah a vun langhter. Covid-19 positive a si tihmi thawngpang a thang le cangka vawleicung ram kipi um chinmi nih biatak tein thlazacam piak colh asi.
Cu kan thlacamnak cu a nung kan Pathian nih akan leh i june 17 ahcun Covid-19 zawtnak in damnak tlamtling a hmuh cang. Hmanh sehlaw Mizoram nih Covid zawtnak he pehtlai in phung ke lam an ser mi a um caah mah inn chung ah 7 erhkanh rih ding a si caah thlacamnak in bawm cio rih hna sih.
Relchap- Lai Mi Nih Kan I Bochan Mi Rev. Dr. Khai Khan Suan Le Rev. Khup Lian Suum Nih Mual A Kan Liam Tak
Tantakmi chungkhar le Khrihfabu nan ngeihchiatnak cu Bawipa nih in theih piak hna sehlaw nan mitthli in hnawh piak ko hna seh. Kawlram hlasakthiam, hlaphuahthiam le Pathiang thanwgtha chimtu Saya Sangpi (Sangpi) nih cun hi Pastor te pahnih a sian lonak hna cu hi tin a tial.
Rev. Dr. Khai Khan Suan(Saya Khai Suan) a thi timi “Chin Global News” ah ka rel. Ka ngaih a chia ngai. Saya Khai Suan hi ka saya a si. Ka pa zong a si. A chungkhar Bawipa nih hnem ko hna seh.
1980 ah Tonzang ah phung a rak chim.
Culio ah crusade, campign ti a rak um rih lo. Baptist nih phungchim an rak sianh lo caah mi inn ah a rak chim. A rak laar tuk i, mi nih an ceih tuk caah zankhat ka vai pum ve. Jocab le Esau kong a chim.
Esau ram a vaih karah Jacob nih a pa thluachuah a co kanh timi kong a chim. A phungchim nih khua zaza a ka ruahter. A cu zan lawng a si lo. A zarhzarh le a thlathla in khua a ka ruahter. Cu hnu lawnglawng ah Pathian dawtnak timi le khamhnak timi hi fiang pup in ka pemh ve.
Saya Khai Suan hi kebei a si. Tiddim ah AG Khrihfabu a chuahpitu hi Rev. Dr. Hau Lian Kham(tleicia) le a mah an si. Phungchim a thiam taktak. Laimi phungchim thiam timi ah mi hmasa a si. Saya Khai Suan, mangṭha! Crd: Perhkalh
