Pi B.Lallawmzuali cu may 19 ah khan covid-19 zawtnak in a rak zaw i ZMC ah an rak lutpi tiah theih asi. Covid zawtnak ruangah a nau neih zat hlan ah siizung ah naute cu may 22 ah a zai in an zai chuah piak.
Operation an tuahnak ah thisen tam tuk a chuak i mah nak in cun a thaw tthittha in a chuah khawh ti lo caah Oxygen le ventilator heh an pek ko nain covid symptoms a rak ngeih fawn caah anunnak nih a celh lo in tunai teah a nunnak a liam.
Hringtu a nu cu covid-19 pulrai in a thi mi a si ko nain a fate cu vantthat ah covid a rak kai lo tiah siibawi te nih an chim. A vapa hi kala ram ah rianttuan ding in a kal i hi bantuk thawngpang a theih bak in a rak tlung ko nain kala ram in a rak tlungmi asi caah quarantine ah an chiah.
Quarantine an chiah kar ah tu bantuk in a dawt tukmi a nupi nih a rak thih tak hi asi. Kan thlacam nak ah thei cio hna sih, zaangfak taktak an si.
Relchap-Surkhua Mi an Zaam Dih hna, Tar Lawng Khua ah an Taang. Hakha peng, Surkhua ah SAC ralhrang pawl an rak luh caah khuami an zaam dih i, a zaam kho lomi kum upa tar minung 20 in 30 karlak hrawng lawng khuachung an taang, tiah thawng kan theih.
SAC ralhrang pawl Surkhua an phak hnu ah khuachung ah meithal an puah hnawh len hna caah khuami an um ngam ti lo i an zaam dih hi a si. Minung pakhat nih, “SAC ralhrang pawl an rak phan i zaan ah khuacung ah voi tam ngaite meithal puah sawh in an puah len.
Khuami pawl an um ngam ti lo caah an zaam dih hna. A zaam kho lomi tarnu tarpa pawl cu biaknak lei rianttuantu hna nih an zohkhenh hna,” tiah a chim. SAC ralhrang an phak hnu ah Surkhua a zaamtakmi hi an zapi in 1,700 in 1,800 karlak hrawng an si lai, tiah a cunglei minung nih a chim chap.
June 1-2 tiang SAC ralhrang pawl cu Surkhua meithat zung ah hmunhma an khuar nain June 4 ah cun Surkhua ah an um ti lo, tiah khuami pakhat nih a chim. Loklung khua in a zaammi hna zong atu tiang khua an hlam kho rih hna lo, tiah thawng kan theih.
