Kan kawlram thawngpang ruangah lungrawk le zeihmanh ruak kho lo i kan um lio ah hi bantuk thawngpang theih cu ngaihchia taktak a si. Tuni march 13.3.2021 suimilam 1:15pm hrawng ah Chhawrtui ram ( nul siamnak- Bungkai an tihmi, Tuichang tiva ah Linda Malsawmtluangi kum 12 cu a tla i a nunnak a liam.
Nu Malsawmtluangi tiva ah a tla ti an theih le cangka an kawl cawlh i an hmuh colh ko nain a nunnak a rak liam manh tiah theih a si. Nu Malsawmtluangi hingtu pa min cu Lalmuanawma a sii, a nu min cu Ramchuani an si. An khua min cu Puilo khua an si tiah theih an si.
Nu Malsawmtluangi ruak cu Pu Lalchawithanga inn, Chhawrtu ah an dinhpi hnuah an khua Puilo lei ah suimilam 3:26pm ah khan an kal pi tiah theih a si. A hawile hna cheukhat hna zawng an tla cio ko hna nain mau tlor an chanh manh hna i an chuak kho.
Hmanh sehlaw nu Linda Malsawmtluangi cu mar tlor zong an chanh ko nain van chiat ah a chuak kho ti lo i a tla. A rian rannak in an chanh ko nain ti tam tuk a rak dolh manh ruangah a nunnak cu an chanh kho ti lo in a thi tiah theih a si.
