Falam (Gospel Baptist Church)i pastor Thang Hre Mang (kum 33) cu nihin zaan suimilam 9:10PM ah Covid in a nunnak a liam. Falam ah Covid in a nunnak liammi minung 5 an um cang. Pastor Thang Hre Mang nih a nupi le a fa le pahnih a kaltak hna.
A poi tuk leng in cun chim awk a um ti lo, ralhrang nih nichiar ankan thahnawn cuahmah lio ah khat lei in Covid-19 zawtnak nih biatak tein arak kan den tthan mi vun ruah ahcun lungrawk taktak a si.
Mah long hlah ah khat lei in ralhrang doh an hau, khat lei in Covid doh an hau, khat lei in Dalan an rak si fawn, nai hrawng kan miphun nih kan tawn mi harsatnak reru vun ruah ahcun minung fa nih celh ding hrim a si lo.
Relchap-Covid-19 zawtnak ngeih le ngeih lo checknak a um lai: Kan Chin ramkulh (Tonzang, Tedim, Falam, Thantlang ah a bik in) ah COVID-19 zawtnak cu a karh thluamah, a thi mi zong an um cuahmah cang.
Hakha ah COVID-19 zawtnak zong a um lai lo tiah tikhawh a si lo. Hakha khua chung mizapi hna kilvennak ding ca ah COVID-19 checknak cu atulio uktu hna nih Ngandamnak lei riantuantu hna hmang in mizapi sin checknak tuah an duh i, HCMF zong nih checknak tuah cu a tha tuk mi a si.
A herh mi zong bawmh an kan hal ahcun a si khawh chung bawmh si ko seh tiah lungtlinnak kan ngei. Cucaah tuzarh chung ah COVID-19 zawtnak checknak cu a tanglei bantuk in a si lai. June 22, 23, Carson Hall, zing sml.10:00 – chun sml.1:00 tiang. June 24, 25 City Hall, zing sml.10:00 – chun sml.1:00 tiang
Ralkap lei siibawi/nurse hna nih an check lai lo. Civil lei siibawi/nurse hna nih an check lai. Cucaah Pastor hna nih mahle Khrihfabu cio member hna sin thawng nan thanh cio nakhnga thawng kan thanh hna. Rev. Dr. S. Lian Hup Ling
Crd: The Chin Post
