Zahan ah Thantlang khua cungah Van Cungmi an zuang ti a si. Hi thawngpang hi The Chin Light nih video he a langhter mi asi. Hi kong he pehtlai in The Chin Light nih “Zahan ah Thantlang khua cungah Van Cungmi an zuang Hi thil a caan hi cu khuaruahar cu a si ko.
Thantlang khuapi cu Ralhrang ralkap tamnawn nih nizan ah an luhhnawh hna hnu ah mipi a hohmanh leng an chuah ngamlo liopi ah hi thil hi a cang mi a si” tiah a langhter. Hi thawngpang hi The Chin Light nih a tarlangh tlawmpal ah minung tampi nih share tuah cio mi asi.
Pathian nih a Vancung mi hna hmang in an kan ven timi ruahnak nih mipi thinlung a nuamh ter. Pathian nih an kan auh, Thantlang mipi dihlak nih khupbil in Pathian sin ah thlacam a herh ti bantuk ruahnak a tial mi tete zong an um len.
Kan miphun hi na van ralkap in kan veng ko. Bawipa, kan miphun le kan Ram hi na Van Ralkap bu in kan veng ko, tiah thla ka cam tawn. A kan ven lai i ral tutu an si lai ti zong ka zumh fawn.
Zeicahtiah Israel miphun Raltuk a bawmtu hna cu vancung ralkap bu an si, Izipt Ram in an rak ven hna i Six Days War tiang an rak ven hna. Hihi biblical truth le historical truth a si – miracles chungah aa tel vemi a si. A zum lomi le ramkhel cheukhat ca ah cun nihchuak a si men lai nain hihi Pathian biatak a si.
