Magwe ramtthen, Yisakyu peng chungah nizan September ni 17, kum 2021 zan suimilam 9:45PM ah khan Min Aung Hlaing ralhraang pawl phur tu motor cu Yisakyu People’s Defense Force nih mine bomb in an rak tthuat hna i ralhraang lei in a tlawm bik 10 an thi tiah thawngpaang ttha theih a si.
Zahan suimilam 9:45PM hrawng ah khan Min Aung Hlaing ralhraang pawl hi motor le motorcycle hna hmang in Yisakyu khua lei ah an rak lut, mah ti an rak luh lio ah cun PDF nih mine bomb in an phomh hna i uico ralhraang lei in a tlawm bik 10 an thi, cun hliamhma pumi zong an um tiah YPDF nih thawngthanhnak an tuah.
Cun hi kong he pehtlai in khuami pakhat zong nih zan suimilam 10:00PM hrawng ah khan khua leng lei ah bomb puah thawng voi 3 hrawng kan theih, cun khat le khat kahdohnak le meithal puah thawng zong a thang, khua in a hlaatnak hmun ah ummi khuate lei zong nih an theih, ralhraang lei in a thimi an tam” tiah a chim ve.
