Yangon In Ralhraang Pa 3 An Zam

Yangon ramtthen, Mayangone myone chungah Pawdawmu timi pura chung ah hmunhma khuarmi ralhraang hna chung in a luan ciami September ni 11, kum 2021 ah khan ralhraang pathum an zaam tiah thawngpaang theih a si. An uiform pawl cu pura chung hramhbur tang ah an thuhtaak dih.

Hi kong he pehtlai in khuami pakhat nih “khual tlung cazin kan va chimh lio ah hin electric mei a ra lo, pura chung hramhbur tang ah ralhraang pathum nih an uniform thup in an zaam i an buai lulh ko, khual tlung cazin pe dingmi hna zong vun ra rih hlah uh tiah an kan kir ter” tiah a chim.

Pawdawmu pura chung ah hmunhma khuarmi ralhraang paw hi Min Aung Hlaing hruainak in uknak an laak hnu ruangah belkheng tumtu pawl hna zong an inn chung tiang ah lut in a vawlpaam tu hna an si, cheukhat cu an i kalpi hna i zankhuadei bak belkheng an tum ter ha, cun nu pawl zong lam cungah an chuahter hna in a laam ter tu an si.

A tu bantuk in ralhraang pathum an zaammi kong ah an mah Min Aung Hlaing te phu lei nih cun zei bantuk thawngthanhnak hmanh an tuah rih lo, ralhraang zaamnak thawngpaang hi mipi kan caah thawngpaang ttha a si.

 

Total Page Visits: 523 - Today Page Visits: 1

Leave a Reply

Your email address will not be published. Required fields are marked *