Vawleicung ah hin khuaruahhar le ttihnung vawi tampi a tlung bal cang ko nain tutan ka vung langhter mi nak i khuaruahhar le ttihnung hi cu a um kho ti ngai ngha maw ti awk khi a si. Cu khuaruahhar thil cang mi cu a luancia kum 30 1988 April 28 niah a cang mi thil asi.
Aloha Airline Queen Liliuokalani tiah men an pek mi khuatlawng phur Vanlawng cu Vanzang feet 20000 tluk hrawng a zuang cuahmah lo bak ah khin vanlawng cung khuh vialte ai hawk dih. Mah vanlawng cu Boeing 737-297 a si. Mah vanlawng pi nihcun Hilo Airport in Hawaii International Airport lei panh in a zuang.
Mah vanlawng nih minung 95 khualtlawng a phurh mi hna a zuang pi cuahmah i Kahului myo in meng 26 hrawng an phanh ah khin vansang feet 24000 tluk hrawng an phanh ah khin vanlawng cungkhuh mi vialte ai hawk dih. Vanlawng cung khuh ai hawk mi 18.5 feet tluk hrawng a si.
Khuaruahhar ngai a si mi pakhat cu vanlawng cung khuh vialte ai hawk dih hnu bak ahcun Kahului Airport ah nungdam tein an tumtir khawh. Minung 95 chung ah kum 59 upa pakhat lawnglawng a nunnak a liam. Explosive Decompression chungah thli tam tuk ruang ah cang sual mi a si tiah theih a si.
Kan theih dih cio bang in vanlawng accident nak thawngpang kan theih lengmang tawn. cu chung ahcun a tam u hi cu an a phurhmi hna minung an nunnak a liam dih ngawt hna. Feet 24000 sang i an zuang lio bak ah a cung khuh vialte ai hawk dih ko nain minung 95 chung ah minung pakhat te lawng bak a nunnak a liam mi hi khuaruahhar a si khunnak cu a si.
