American thimnak tuanbia ah mi zei Republican hmanh nih Ohio tei loin White House an phan kho lo. Ohio ah hin electoral vote 18 a um. 2016 lio ah President Trump nih Hillary Clinton cu Ohio ah 51.5 percent in a tei. Hillary Clinton nih 43.5 per cent lawng a rak hmuh.
American phungthluk ah Ohio tei, Inn rang pi na kal lai ti mi a um (win Ohio and win the White House). Atu tiang ah Biden nih Trump cu Ohio ko ko ahcun vote 300,000 in a tei cang. 50 per cent vote an rel dih cang. Biden (54.1) le Trump (44.7).
Nain, a tei cang ti an chim hlan cu lungthin i domh buin zoh cio a hau ko rua lai hih. US thimfung an rel cuahmah i atu tiang boruak zoh in, Trump nih teinak a hmuh lai, tiah ka ruah. Atu taktak i a result cu: Biden – 207 le Trump-148 an si.
Hihi Media phu dangdang nih an tuakning aa dang deuh cio. A tanglei ah 2016 thimnak result le atu 2020 atu tiang ah thimfung rel cangmi hmanthlak a si. 2016 lio ah Democrats pawl nih an teinak state cu an tam deuh an rel cang khih.
2016 ah khan Pi Clinton nih electoral vote 227 a rak hmuh i atu tiang ah Biden nih 207 teinak a hmuh cangmi leng ah khin tampi a hmu chap ti lai lo. Trump nih teinak a rak hmuh nak hmunhma tam deuh a tan rih caah ruahchannak a sang ngaingai. Trump nih tei dawh dang in a lang cang!
