Nihin October 29 kum 2021 ah hin SAC raalhrang uico nih Thantlang khuapi an khangh i zanlei suimilam 6:00PM tiangah inn 100 hrawng a kang cang lai tiah ruah damh a si. Atu tiang zong pehzulh in a kangrih. 6:00 PM tiang ah Thantlang ah Zunghmun Sang, Market Sang, Biakinn sang, TABC sang le Lungtial sang hna ah inn 100 hrawng a kaang cang.
First lam thlurpi lawng si loin second lam a si mi Pu Siang Awr inn lampial, Church on the Rock biakinn lampial le Biakinn sang lamtonnak in thlanglei TABC sang lei lampial tiang hna an kaang tiah The Hakha Time nih a tial. Mah thil a can hlan ah hin SAC raalhrang pakhat nih mi inn ah thil a fir caah CDF Thantlang nih an kah i a meithal zong an lak piak tiah CDF Thantlang chungtel pakhat nih a chim.
Mah hnu tlawmpal ah SAC ralhrang hna le CDF Thantlang pawl lak kar ah kahdohnak peh zulh in a chuak, SAC ralhrang hna nih cun hriamnaam ngan in CDF Thantlang hna cu an kah hna i mah hnu tlawmpal ah atu bantuk in Thantlang khuapi inn pawl hi SAC ralhrang uico nih an khangh hramhram mi a si tiah media thenkhat nih a tial. Thantlang khuapi caah faak piin thlacam tuah hna usih, thlacam dah tilo ti khawh mile kan nei fawnlo cu caah kan hriamnaam tha bik thlacamnak in SAC ralhrang hna hi do tuah hna usih.
