Nihin October 29 kum 2021 ah hin SAC raalhrang uico nih Thantlang khuapi an khangh i zanlei suimilam 4:28 tiangah inn 60 renglo a kang cang lai tiah ruah damh a si.Atu tiang zong pehzulh in a kangrih.
Inn an khangh mi hna hi Zunghmun sang, Biakinn sang, Market sang, TABC sang le Lungtial sang tiin hmun 5 reng lo ah an khangh hi a si tiah The chinland Post nih a tial. Mah thil a can hlan ah hin SAC raalhrang pakhat nih mi inn ah thil a fir caah CDF Thantlang nih an kah i a meithal zong an lak piak tiah CDF Thantlang chungtel pakhat nih a chim.
Mah hnu tlawmpal ah SAC ralhrang hna le CDF Thantlang pawl lak kar ah kahdohnak peh zulh in a chuak, SAC ralhrang hna nih cun hriamnaam ngan in CDF Thantlang hna cu an kah hna i mah hnu tlawmpal ah atu bantuk in Thantlang khuapi inn pawl hi SAC ralhrang uico nih an khangh hramhram mi a si tiah media thenkhat nih a tial.
Thantlang khuapi caah faak piin thlacam tuah hna usih, thlacam dah tilo ti khawh mile kan nei fawnlo cu caah kan hriamnaam tha bik thlacamnak in SAC ralhrang hna hi do tuah hna usih.
