An ram a buai tlawmpal ah Afghan ralzam minung tampi Australia Embassy (Delhi) hmai ah an kal i “Australia Cozah nih Afghan ralzam 3000 caah visa na pek lai timi thawngpang kan theih. Kan bawm hram law a rannak in a himnak Australia ram ah kan kua ko” tiah an rak hal.
Cu lio ah Australia Embassy (Delhi) nih “UNHCR office ah cakuat tial uh, halnak tuah uh law UNHCR-Delhi nih refer an tuah hna ahcun, Australia Cozah nih kan zoh lai, tuaktan lai” ti phun deuh in an rak leh hna.Cu Ni thok cu Afghan ralzam pawl cu UNHCR office hmai bak ah pehtlai in sandah an piah peng.
Resttlement in ramdang ah kan kua, Vawleicung ram tampi nih Afghan ram caah kut kaa an hon ko, UNHCR-India nih nan kan hren ti bantuk in halnak an tuah. Tutan an sandah piah hi pehtlai tein a si, India ram Rights group tampi le Media tampi nih an dir hnawh peng hna.
A si nain UNHCR nih a tong duh hna lo, bia a ruah duh bal hna lo. Nihin ah khan Afghan pawl cu UNHCR nih cathanh a chuah hnawh hna. “UNHCR-India nih Resettlement kong ahcun kan dirhmun kan thleng lo. Kan mah nih criteria kan chiah ning,
vulnerable timi lawng ram dang ah resettlement in kalnak kan kawl piak hna tiah lehnak an tuah diam hna.“Nan hal mi vialte, Sandah nan kan piah hnawh mi vialte hi kan i tuah piak kho hna lo tinak khi asi”. Afghan ralzam caah hi bia hi a ngaih a nuam lo ngai lai”.Crd: Salai Cung Dawt
