2020 U.S Presidential thimnak cu a nai tuk cang. Trump vs Bidden ah ahodah Teitu a si te hnga? US National Poll ning ahcun a Kum ningpi ngawt in Bidden nih a tei peng. Asinain polls hi 2016 lio ah faktuk in an rak ipalh caah Media kip nih Poll hi zumh ding a si lo an ti dih.
2016 lio ahkhan US election hi ka zoh taktak. Hillary Clinton nih a tei lai an rak ti viar ngawt lio ah Trump hi ka rak zumh ziar. Election ah a tei taktak. Tukum 2020 election tu ahcun Trump nih a tei lai tiah a zummi an tam.
Zeicatiah, US tuanbia ah President a ttuan liomi nih a term 2nk peh hi a phung bantuk deng in a kalmi a lo caah, Trump caahhin ruahchanhnak a um ngaingai. Asinain 2020 chung ah US politics ka zoh tikah Joe Bidden nih ruahlopi in a tei khawh men tiah ka hmuh. A ruang ka chim lai.
Covid 19 nih US a denning a fak tuk. A thimi zong an tam. Cucaah Covid 19-pandemic nihhin fak tuk Trump le a riantuantu a hnawrsuan hna. Covid19 kong ahhin Trump hmalak ning hi US mizapi a lung a tling lem lo. Mahhi a caah thawng chia ngai a si.
2020 ah a cangmi George Floyd thihnak, BLM matters movement le US polices pawl karlak buainak vialte kha a fak tuk fawn. Mizapi thinlung a hninsai ning a ti tuk. Cun, US politics zoh tikah Mino/ millennium voters pawl dihlak ngawt hi anti-Trump deuh an si. Chin community zong ahhin Upa deuh nih Trump kan uar i Mino deuh pawl nihcun an uar ve lo.
Cun, Trump hi a racist tuk tiah Race kong ah Trump an doh ning hi a fak tuk fawn. Cucaah, 2016 lio ah “Silent majority” nih Trump an tlinter bantuk in 2020 ahcun Millenuim voters/ Mino votes in Joe Bidden hi tlinter khawh a si tiah ka hmuh ning a si. Catialtu: Zasang Cinzah
