Sagaing ramtthen, Pale peng, Min Tai Pin khua le Kan Daungh khua kar ah Min Aung Hlaing ralhraang pawl khat lak in phur tu motor pakhat cu tuni September ni 23, kum 2021 zing ah khan PDF nih mine bomb in an tthuat tthan hna tiah thawngpaang theih a si.
Hi kong he pehtlai in khuami pakhat nih tuzing suimilam 9:00AM hrawng ah khan ralhraang khat lak in phur tu motor pakhat mine bomb in an tthuat tthan, mine bomb nih motor a puah ning hi a faah ngai ruangah a thimi le hliamhma pumi an tam kho tiah a chim.
Nizan September ni 22 zan ah khan Ma Yu Done timi khua ah riakmi ralhraang pawl cu tuzing ah Chinpit timi khua chung ah lut in meithal an puah, khua chungah lut in an duhmi paoh an laak, khuami nih kan ttih hna seh tiah meithal an puah chih tiah khuami pakhat nih chim ve.
Tu zing ah mine bomb an puahmi motor hi ralhraang thazaang chap ding in a vun rami an si i Gangaw peng lei zong in ralhraang phur tu motor pa 6 hrawng Pale peng lei ah vun ra lio tiah thawngpaang theih chap a si.
