Tuni March 13.3.2021 ah tapung kawl ralkap nih pyi myo ah mipi sandahpiah mi an kah hna nak Mg Thet Myit Aung kum 19 cu tuzan lei ah a nunnak a liam. Thet Myit Aung hi sianghleirun kum khatnak a lai lio mi a si tiah theih a si.
Mg Thet Myit Aung cu palik le ralkap nih an kah le cangka mipi nih an zuan hnawh colh ko nain palik le ralkap nih la kho lo ding in lam an kham dih caah a thi tamtuk a chuak i a nunnak a liam tiah RFA nihcun an chim.
Tapung ralkap nih mipi sandahpiah pawl an heh tiah an kah tthan hna ruangah tuchun ah minung 20 reng lo an thi tthan tiah RFA nihcun a chim. Tapung kawl ralkap kut in sualnak nei lo mipi nunnak a liam mi ankarh chin lengmang mi ruah ahcun ngaihchia le lungrawk taktak a si.
Nizan march 12 ah Hakha siizung rianttuantu le mizaw pawl tapung ralkap nih an tthawl hna ruang ah an thlawpbul cuahmah mi CNF ralbawi Mg Aung Lin Tun zawng tuni zing suimilam 5:00am hrawng ah a nunnak a liam fawn. Hi a thi mi ralbawi pa hi Paletwa myone mi a si.
