Min Aung Hlaing uico rual nih mipi fah taktak in an va hrem hna i an rak tlung lei ah SPDF ( Sagaing People Defence Force) nih an rak kah hna i SAC lei in minung pathum an thi.
Sagaing People Defence Force nih an langhter ning ahcun tuzan suimilam 7:00pm tluk hrawng ah khan Tanhsi myone chung ah rallokap pawl nih mipi an hrem hna ruang ah SPDF nih meithal in an kah hna i minung pathum an thi tiah an langhter.
A chim tthan rihmi cu tuzan suimilam 11:00pm ah khan rallokap pawl cu Kan-thu-mah khua ah an rak lut i mipi meithal he heh tiah an an hrocer hna leng ah an inn tiang an hrawh piak hna i an kir lei ah SPDF hna nih an rak bawh hna i an rak kah hna hi a si.
Relchap- Tuzan Ah MAH Te Phu Nih Hphakanh Oh-choh-zi-hmu (Administration) A Inn Ah An Thah. Hphakanh Oh-choh-zi-hmu (administration) Pakhat cu tuni May 10 zan suimilam 8:00pm hrawng ah tapung kawl rallokap nih a inn chung ah an luhhnawh i meithal in an kah i a nunnak a liam tiah khua mi nih an chim.
MAH nih an thah mi pa cu San-cuai an timi khuate ah Oh-choh-zi-hmu rian a ttuan cuahmah lio mi U Myint Maung a sii, a inn chung a tthut mi cu meithal in an kah in a nunnak a liam tiah khua mi pakhat nih Kachin News Group sin ah a chim.
Tuzan suimilam 8:00pm hrawng ah khan hmai ai tuam mi minung pahnih cu a inn chung ah va lut in meithal nih an kah tiah theih a si. San-cuai khua mi hna nihcun a rannak in mizaw phur tu mawtaw an auh i siizung ah an tlip ko nain lampi an a nunnak a liam tiah khua mi nih cun an chim.
Meithal kah nak in a thi mi Oh-choh-zi-hmu (administration) U Myin Maung cu misual hna kut in a vun thi tthan ruangmang ai. MAH ruang ah hin kan kawlram chung ah minung zeizah remruam khi dah an hei thih cang mu, ruah cun lungfak taktak a si. Rf: KNG
