Dalan nih thawng a thanh/pek hna caah asi i. Mipi lei in minung 9 an thi i, cu chungah Nu 2 le kum 4 hngakchia zong an itel tiah an ttial.
Saandah piah ah ai telmi Hruaitu pawl le Khuami hna cu Dalan (ralkap a bawmtu) ruangah ralkap pawl nih khuachungah an luhhnawh hna i antlaih hna pinah raalterhnak ah anhman hna caah Khuami nih an ituar ti lo i kahdoh nak achuahnak cu asi.
An tlaih mi hna pawl cu Dalan le Ralkap nih an zulh hna i, Sandahpiah lio i ai telmi, CDM a tuah mi tibantuk cu Inn khat hnu Inn khat an kalhnawh.
A zaam mi poh an kah hna, Phaisa a nei deuh mi pawl hmangin an phaisa an hal hna tibantuk ruangah khuami nih an i tuar ti lo caah an kah ve hnanak asi, mizei PDF zong an itel lo tiah khuami pakhat nih KIC Media ah a chim.
Khauchung an i kah thawngtheih in khua pawngkam nih an van bawmh hna caah Pathein, Danohphyew le Hinthatah sakhan pawl ah MAH Ralkap leiin thazaang an van chap tung hna caah khuami mitampi an zaam hna tiah a chim chap.
Micheu chimnak ahcun CDM a tuah lomi Sayamah pakhat nih khuachungah hriamnam a um timi achimh hna i, MAH ralkap pawl nih zinglei suimilam 4 hrawngah Inn kip ah an luhhnawh hna i an cekhlat hna caah kahdohnak achuah cu asi tiah Media cheukhat sin ah an chim.
A tu an ikah cuahmah nak Kyaungpio Myone asi mi Hle-suai khuate cu buaktlaak in Inn 100 hrawng an um i mitam deuh cu Kayin miphun ansi tiah theih asi.Crd:KIC Media
