Tuni Ah NLD Palai Pakhat Kawl Ralhrang Kut In A Nunnak A Liam Tthan. Shanpyine nichuah lei ah um mi Tipawmyone ah NLD palai rianttuan mi U Sain Kan Ngyunt cu tuni may 15 ah mizei ti theih lo mi hna kut in a nunnak a liam tiah theih a si.
U Sain Kan Ngyunt cu Tanh-zanmyo he meng nga hrawng ai hlatmi Khu Zawng tihmi khuate ah NLD palai rianttuan in a um mi asii, tuni ah mizei ti theih lo mi hna kut in a nunnak a liam hi asi.
NLD palai U Sain Kan Ngyunt thih nak kongkau ah zeihmanh biafiang theih a um rih lo tiah khuami pakhat nih cun a chim. Hnu pi ah khin a thi tihmi cu kan theih ve caah tu tiang ahcun mizei kut in dah a thih tihmi biafiang theih khawh a si lo.
NLD palai U Sain Kan Ngyunt ruak cu thaizing may 16 ah khin vuinak tuah asi te lai tiah an chim. Khua mi nih an chim ning ahcun U Sain Kan Ngyunt hi kan khua a rak phanh hi thla khat fai te long a si tiah a chim.
A mah cu kan hnung November 8 kawlram Election ah khan NLD in ai cuh ve mi asi tiah a chim fawn. Zei ruang ah dah a thih tihmi cu hlat hlaing an tuah lio a si i, a rauh hlan ah thawng fiang kan rak langhter tthan te la. Rf: SPMNA
