Trump nih Congress a mawhchiat hna. Ramdang vial million tortor in bawmhnak nan pek hna i, Tax a pemi American mipi vial an harsat lioah $ 600 lawng pek nan timh hna. $2000 in kaiter u. Chungkhar ngei hna lengbang cu $4000 hmanh in nan pek hna ding si.
President zong ka peh than kho rih men tiah a ruahchannak a chim chih. President Donald Trump nih American mipi minung pakhat ah Stimulus check $600 telawng pek nan timhmi hna hi a tlawm tuk ka lungtling lo, minung pakhat ah $2000 tal cu nan pek hna ding a si.
Nan pek duh hna lo ahcun $900 billion relief bill nan chuahpi mi hi VETO power ka hman khawh tiah tu zanlei ah a tlerh hna. Congress nih zahan zan i an pass cangmi $900 billion bill cu atu tiang minsen a thu duh rih lo.
President Trump nih Congress [ Senate+House ] nih nan chuahpi mi bill $900 billion hi remh than ulaw, minung pakhat $600 nan pek mi hna hi minung pakhat ah $2000 tal pe hna uh, nuva nih $ 4000 tal co ding in bill chuahpi ulaw min ka thut colh lai tiah a ti hna. Bill nan chuahpi mi $900 billion chungah Coronavirus he a pehtlai lomi, a herh lomi, phaisa heu sawsawh mi nan telh chihmi hi nan remh dih a hau tiah a ti.
American ngunkhuai tax a pemi nih $600 lawng ngah i, phung loin a ummi, illegal family nih $ 1800 tiang co khawh ding cu a fair lo tukmi a si” tiah President Trump nih a ti. Cucaah Congress nih $900 billion an chuahpi cu zohfelnak ngeih than dawh an si caah minung pakhat nih $600 nak tam deuh hmuh khawh a si kho. Video Link
