Tlaih A Tong Mi Kan Farnute Grace Hi Hringtu A Pa Nih A Thih Tak Cang Mi A Si

Nizaan ah tlaih a tong mi Kan Fa, kan farnute Grace hi a pa nih a thih tak cang. A nu (tar hmei) cawm dingin Yangon ah rianṭuan in a ratnak thla 4 hrawng lawng a si rih. Yangon ah unau chungkhat a ngei hna lo. A umnak Eh-cazin an cheknak ah a phone an chek i, an tlaih.

Ye-sa-khan in chanhchuah ding timhtuah a si ko nain a chanh kho lo caah Sih-caw-zi a phan. Lungre a thei, himdam tein a chuah zau khawh naklai thlacampiak cio hna u sih. Kan si khawh chung in bawmhchanh kan i zuam lai. Thlacam cahnak a si, kawl ca in let lo ding a si fawn lai.

Relchap- Gaza Strip Ah Israel Nih Bomb A Thlak Than: Nizan Jerusalem Day, thantar he Judah mi 5000 hrawng Jerusalem Old City ah lam an zawh lio ah Gaza leiin kang a chuahter kho mi thil phunphun an rak kah caah Israel nih van leiin an thuat than hna.

Mah hi Israel Prime Minister thar Naftali Bennett a cawlcangh hmasabik nak a si. Israel nih an i tinh mi ah Hamas ralkap tenge pakhat a si mi Al-Qassam Brigade zong a tel tiah Palestine media nih a chim. Nizaan Jerusalem Day thantar he lamzawhnak ah Palestine mi 33 an thi, 17 hliamhma an pu tiah theih a si.

Kan hnu thla ah ni 11 chung i kahnak remdaihnak an neih hnu tlawmpal ah atu bantukin buainak a chuah than hi asi. Israel Prime Minister thar Naftali Bennett hruainak tangah remdaihnak an ngei kho taktak lai maw ti cu mi nih zoh cio mi a si.

Total Page Visits: 324 - Today Page Visits: 1

Leave a Reply

Your email address will not be published. Required fields are marked *