Maw ka thin ka vawleicung ngai hi aw Covid-19 pulrai in kan luat kho ngha maw tiah aphunphun in hruaitu te nih lam ankan kawl i virus lak in kan luat khawhnak ding ah tiin Quarantine lutter a si tawn.
December 17.12.2020 ah Mawlamyine myo Hostel Q le CBF Quarantine ah an chiah mi chungkhar pahnih hna chungin pakhat deuh cu hringtu a pa nih a rak thih tak caah Covid-19 lei tawlreltu hna bomhchanhnak thawngin a pa ruakvui hmuhnak caan ttha an ser piak i mitthli he hringtu a pa ruak a vun tthah thluahmah mi hmuh cu lungthin aa nuam kho hrim lo.
Mah lawng hmanh si lo in CBFQ ah an chiah pakhat deuh zong Yangon Quarantine a luh lio ah a dawt tukmi a nau nu nih a rak thih tak caah nawlngeitu hna bomhchanhnak thawngin an khua Mawlamyine myo Aungtuhkhah ah a thi mi a nau nu ruak cu zohnak caan tlawmpal an ser piak ve fawn. Mah hna pahnih hi Thailand ram in a rak tlung mi an si caah Yangon ah Quarantine in an chiah mi hna an si. Quarantine in an chuah deuh hlan ah pakhat deuh hi hringtu a pa nih an khua Tathung Myone Ceihkaw myo ah a thih tak hi a si.
Pakhat deuh cu Mawlamyine Aungtukha sang ah um mi a nau nu nih a rak thih tak ve. An pahnih tein Covid-19 lei tawlrel tu hna nih PPE angki ttha tein an hrukaih ter hna hnu ah a donghnak bik hringtu apa ruak zoh nak caan ttha an ser piak. Ram dang bak in chungkhar unau le nau le nulepa hna hmuh lai nghahlang taktak in a rak tlungmi hna Quarantine luhkar i hi bantuk thawngpang nih vun den hna cu zaangfak taktak khi an si.
